झिलीमिली रात मैले कहाँ मागे तिमी संग
दौलतको खात मैले कहाँ मागे तिमी संग
गरीब छैा तिमि भन्दै टाढा जाने निर्मोहीको
विश्वासमा घात मैले कहाँ मागे तिमी संग
दिनु सम्म चोट दियौं भन्न के नै बाँकी छ र
बिझाउने बात मैले कहाँ मागे तिमी संग
चोखो माया पाँइदैन किन्न लाई कतै पनि
अमुल्य सौगात मैले कहाँ मागे तिमी संग
कल्पनाको चोखो माया जूनीभरी साथ हुँदा
छोडी दिने हात मैले कहाँ मागे तिमी संग
