झरनाको चिँसो पानी याद आयो मलाई
हिमालको त्यो कहानी याद आयो मलाई ।
लेक बेँसी डुल्दै हिडे साथ तिम्रो पाइ
चंचले त्यो हाम्रो बानी याद आयो मलाई ।
ऐेसेलु र काफलको बोट हरु घुम्दै
साथी संग तानातानी याद आयो मलाई ।
साथीहरु भेटेपछि बिर्सी सबै काम
गर्थे के के नजानि याद आयो मलाई ।
लुकामारी खेल्दा खेल्दै साँझ पर्थ्यो कैल्ये
घर पुगी गाली खानि याद आयो मलाई ।
भोली देखी नहिड्ने खान्थे वाचा कसम
विहाननै खेल्न जानी याद आयो मलाई ।
रिसाएर कयौं दिन भेट् नहुदा पनि
बोलाउँथे गल्ती मानी याद आयो मलाई ।
